ഒരു കവിത ആസ്വാദനം : "എന്റെ പ്രണയിനിയുടെ സുഗന്ധം (മണം ) " കവി:പോച്ച

കലാസ്വാദകരേ....

വര്‍ഷങ്ങള്‍ക് മുന്‍പ് ആസ്വാദക ലക്ഷങ്ങളെ സൃഷ്‌ടിച്ച (വേണേല്‍ കുറച്ചു കുറയ്ക്കാം ..) ആ സുന്ദര കവിത....

നിങ്ങള്‍ ഒന്ന് ഓര്‍ത്തു നോക്ക്...

" പോച്ച " എന്ന കവിയുടെ മാസ്റ്റര്‍ പീസ്‌ ... " എന്റെ പ്രണയിനിയുടെ മണം "..

വര്‍ഷങ്ങളോളം കേരള /മഹാത്മാഗാന്ധി യൂണിവേഴ്സിറ്റി കളിലെ ഒട്ടേറെ എം സി എ വിദ്യാര്‍ഥികള്‍ തങ്ങളുടെ പ്രണയത്തിന്റെ പ്രതീകമായി കണ്ട കവിത...

എത്രയോ ഐടി ഫെസ്റ്റ് കളില്‍ ഈ കവിത പോച്ചയുടെ സുന്ദര ശബ്ധത്തില്‍ മുഴങ്ങിയിരിക്കുന്നു ... ഹോ... ഇപ്പഴും ഓര്‍ക്കുന്നു തുടക്കത്തിലേ ആ രണ്ടു വരികള്‍...

" പ്രണയം ഇത്ര മധുരമാണെന്ന് ഞാന്‍ അറിഞ്ഞില്ല.. ആ.. ആ.."

എന്റെ പ്രണയിനിക്ക് ഇത്ര സുഗന്ധം ഉണ്ടെന്നു ഞാന്‍ അറിഞ്ഞില്ല... ആ .. ആ. "

എന്താണെന്നു അറിയത്തില്ല ... ഈ രണ്ടു വരികള്‍ കേള്‍ക്കുമ്പോഴേ മനസ് അങ്ങ് നിറയും..... നിറഞ്ഞ മനസ്സിന്റെ ഭാരം കാരണം നമ്മുടെ നോട്ടം തറയിലേക്കു ആകും ... ( മനസ് തലയിലല്ലേ ...? അത് കൊണ്ടാരിക്കും ...)

പലപ്പോഴും ഈ പ്രതിഭാസം കാരണം വരികള്‍ പൂര്‍ണമായി കേള്‍ക്കാറില്ല...

പക്ഷെ ഒരിക്കല്‍ കണ്ട്രോള്‍ ചെയ്തിരുന്നു .. (ഐ ടി ഫെസ്റ്റ് :നിര്‍മല കോളേജ് മൂവാറ്റുപുഴ )

ആദ്യ രണ്ടു ലൈന്‍ കഴിഞ്ഞപ്പോള്‍ തന്നെ ഞാന്‍ ഗസല്‍ നു ഇടയ്ക്കു ആള്‍കാര്‍ കാണിക്കുന്നത് പോലെ..

അരേ... വാഹ് .... വാഹ് .. എന്ന് ഒരു അടിച്ചു വിടല്‍ ...
എന്നിട്ട് കണ്ണ് അടച്ചു പിടിച്ചു തല പതുക്കെ രണ്ടു ആട്ടല്‍....

കണ്ണ് തുറന്നു നോക്കിയപ്പോള്‍ മുന്‍പില്‍ ഇരുന്ന കൊറേ പേര്‍ തിരിഞ്ഞു എന്റെ മുഖത്ത് തന്നെ നോക്കുന്നു ... ( ഒരുമാതിരി ഊ ...യ ചിരി അവന്മാരുടെ മുഖത്ത്..)..

എന്നിട്ട് ഒരു ചോദ്യം.. " ഏതു കോളേജിലാ..? " .. ( ഒരു ആക്കല്‍ എനിക്ക് ഫീല്‍ ചെയ്തേ .... ഇല്ല ..)

കൊറച്ചു മുന്‍പ് പോച്ചയുടെ പേര് വിളിച്ചപ്പോള്‍ പോച്ച ഫ്രം ടി കെ എം എന്ന് അനൌണ്‍സ് ചെയുന്നത് ഞാന്‍ കേട്ട്..

സെയിം കോളേജില്‍ തന്നെ ആണ് പഠിക്കുന്നത് എന്ന് പറഞ്ഞാല്‍ പോച്ച യുടെ പ്രശസ്തിക്കു തടസമായാലോ ..! എന്ന് വിചാരിച്ചു ഞാന്‍ വേറെ ഒരു കോളേജ് അങ്ങ് കാച്ചി..

അപ്പോഴേക്കും സ്റ്റേജ് ഇല്‍ നിന്നും ശബ്ദം ഉയര്‍ന്നു... അവന്മാര്‍ എല്ലാവരും പോച്ചയുടെ നേരെ ആരാധനയോടെ നോക്കി......

" എന്‍ കൈകള്‍ എന്‍ പ്രണയിനിയെ പുണരുമ്പോള്‍ .."
" ഞാന്‍ അറിഞ്ഞില്ല... ആ .. ആ.."

( ഇവിടെ പോച്ച ഉദ്ദേശിച്ചത് ഉറക്കത്തിലെങ്ങാനും അറിയാതെ പുണരുന്ന കാര്യം ആയിരിക്കും എന്ന് ഞാന്‍ സമാധാനിച്ചു .. ).....

പിന്നെ കവിതയുടെ പോക്ക് എല്ലാവരെയും ത്രസിപ്പിച്ചു കൊണ്ടായിരുന്നു.

വേണെമെങ്കില്‍ " അവളുടെ രാവുകള്‍ എന്ന സിനിമയ്ക്ക് ടൈറ്റില്‍ ഗാനം ആയി കൊടുക്കാം ..."

{ ഈ തോന്നലില്‍ ഞാന്‍ പിന്നീട് പശ്ചാതപിക്കേണ്ടി വന്നിറ്റൊണ്ട്...}

പത്തു മിനിറ്റ് നു ശേഷം, ആ സംഗീത സദ്യ അവസാനിപ്പിച്ച്‌ ക്ഷീണിതനായി വരുന്ന പോച്ചയെ നേരിട്ട് കണ്ടു അഭിനന്ദിച്ചു.

അണ്ണേ കവിത കൊള്ളാം .. സംഗതി അല്പം നീല നിറം കൂടിയിട്ടുണ്ടോ എന്ന് ചിലര്‍ ചോദിച്ചു... ( ചിലര്‍ എന്ന് ഞാന്‍ കയ്യില്‍ നിന്ന് ഇട്ടതാ...)

" ഏതു വിവരം കേട്ടവനാടാ.. അത് ചോദിച്ചേ.. ?" ( പോച്ച കലിപ്പ്..)

ഏയ് ആരോ.. ഞാന്‍ ഓര്‍ക്കുന്നില്ല .... ! ( പെട്ടന്ന് ഗജിനി യിലെ പോലെ എന്റെ ഓര്‍മ പോയതായി അഭിനയിച്ചു..)


പക്ഷെ ഈ മാതിരി അടവ് ഒന്നും അറിയതില്ലാത്ത "ടോം സ്വര" (സഞ്ചരിക്കുന്ന ഗോള്‍ പോസ്റ്റ്‌ )നേരെ ചെന്ന് ഒരു ചതി പറ്റിച്ചു..

ടോം :എടാ ഇത് എന്ത് കവിതയാ..

പോച്ച: അതെന്താ..?

ടോം : എന്തോ ഒരു പ്രശ്നം ഒള്ളത് പോലെ.. റോബോയും അങ്ങനെ പറഞ്ഞു.. ( ആ തെണ്ടി ഒരു റഫറന്‍സ് കൂടി കൊടുത്തു ....)

പോച്ച: അവനു കവിതയെ പറ്റി എന്ത് അറിയാം.. @#$*&$ ...
ഇതിലും തീരെ മോശം കവിതകളും ഇവിടെ വലിയ ചില അവന്മാര്‍ എഴുതുന്നുണ്ട്.. അതൊക്കെ വല്ല മാതൃഭൂമിയിലോ , ദേശാഭിമാനിയിലോ , ഒക്കെ വന്നാല്‍ നിനക്കൊന്നും ഒരു.. @*&# ഇല്ലേ...?
പിന്നെ ടോം (അഥവാ സഞ്ചരിക്കുന്ന ഗോള്‍ പോസ്റ്റ്‌..) നു സദ്യ ആരുന്നു ... വയറു നിറഞ്ഞു അവന്‍ വന്നു സംഗതി അവതരിപ്പിച്ചു..

( കവിതയെപ്പറ്റി എന്തെങ്കില് അറിയാം എന്ന അവന്റെ അഹങ്കാരം അന്ന് തീര്‍ന്നു...)

എന്നെ പറ്റി അവന്‍ പോച്ചയോടു സൂചിപ്പിച്ച കാരണം അടുത്ത പന്തിയില്‍ സദ്യ ഉണ്ണാന്‍ വേണ്ടി ഞാനും ചെന്നു....

പോച്ച അണ്ണാ... ഞാന്‍ പതിയെ വിളിച്ചു...

എന്താടാ... @#

ഒരു സംശയം... കവിതയെപ്പറ്റി ആണ്...

ടോം പറഞ്ഞു.. എന്താ കാര്യം...?

ഈ മണം .. സുഗന്ധം എന്നൊക്കെ പറയുന്നത് കുറച്ചു തുണ്ട് ( അശ്ലീലം .) അല്ലെ..

ഓഹോ.. ഇതാ ഞാന്‍ പറയുന്നേ നിനക്ക് ഒന്നും ഒരു കല ആസ്വദിക്കാനുള്ള കഴിവ് ഇല്ല എന്ന്.... എ പടം കാണുന്ന പോലെ ആണോ കവിത വായിക്കുന്നത്.. ?
എടാ നാറി .. വായിക്കുന്നവന്റെ മനസിലാണ് അശ്ലീലം ...
ഞാന്‍ ഇവിടെ മണം അഥവാ സുഗന്ധം .. എന്ന് ഉദ്ദേശിച്ചത് കാമുകിയുടെ നല്ല ഗുണങ്ങളെ ആണ്.. അവളുടെ നന്മയും പരിശുദ്ധിയും ആണ്..

ഹോ... ഞാന്‍ ഞെട്ടിത്തരിച്ചു പോയ്‌... !

{ നേരത്തെ സൂചിപ്പിച്ച പശ്ചാത്താപം തോന്നിയ അവസരം ഇതാണ്..}

ഒരു നിമിഷം അനങ്ങാതെ നിന്നു.. എന്നിട്ട് പോച്ചയുടെ നേരെ സൂക്ഷിച്ചു നോക്കി..

{ ഇനി മണിച്ചിത്രത്താഴില്‍ തിലകന്‍ മോഹന്‍ലാല്‍ നെ തിരച്ചറിയുന്ന സീന്‍ പോലെ ആണ് കാര്യങ്ങള്‍.... }

പോച്ചക്കുട്ടാ ആ ... കലക്കി.. ഉഗ്രന്‍ .. എങ്ങനെ സാധിച്ചു..

എന്നിട്ട് ചെന്നു കെട്ടിപ്പിടിച്ചു...

" നോക്കിക്കോ ഏറ്റവും മികച്ച പത്തു കവിതകളില്‍ ഒന്ന് പോച്ചയുടെ ആരിക്കും.."



എന്‍റെ നിറഞ്ഞു പോയ കണ്ണ് ഞാന്‍ തുടച്ചു ...


സംശയങ്ങള്‍ മുഴുവന്‍ മാറി മനസ് നീലാകാശം പോലെ ക്ലിയര്‍ ആയി....

വീണ്ടും കവിത എഴുതാന്‍ പോച്ചയെ പ്രോത്സാഹിപ്പിച്ചു തിരിച്ചു നടന്നു...

{ പക്ഷെ പിന്നീട് പോച്ച എഴുതിയ കവിതകളിലോ കഥകളിലോ ഈ ടൈപ്പ് അലങ്കാരങ്ങളും , വൃത്തങ്ങളും ഇല്ലായിരുന്നു..
ഡീസന്റ് കവിത എന്ന നല്ല കവിതകളാണ് എഴുതാറു....
}
---------------------------------------------------------------------------------------------------

വാല്‍ക്കഷണം : മുല്ല പൂമ്പൊടി ഏറ്റു കിടന്ന കല്ലിനെ പോലെ ആയ ഞാന്‍ , മണം എന്ന വാക്കിനു പകരം മറ്റു ചില വാക്കുകള്‍ നിര്‍ദേശിച്ചു.. { കൊറച്ചു കൂടി ഭംഗി ഒണ്ടെന്നു എനിക്ക് തോന്നിയത്.. !? }

വെറുതെ പച്ച തെറി കേള്‍ക്കുകയായിരുന്നു പരിണിതഫലം ....


അറിയിപ്പ് : അടുത്ത പോസ്റ്റും ഒരു കവിതാ ആസ്വാദനം തന്നെ ആണ് .. സ്ത്രീകളുടെ വിഭാഗത്തില്‍ നിന്നു ആണ്... (ആലപിച്ചത്: ഷീന അമേരിക്ക )