കാക്ക എന്നത് കൊണ്ട് കറുത്ത നിറമുള്ള ഒരിനം പക്ഷി യെ തന്നെയാണ് ഉദ്ദേശിച്ചത്...
എങ്ങനെ പറയാന് കാരണമുണ്ട് ഹോസ്റ്റല് മെസ്സിലെ കാക്ക , അക്കൌണ്ടന്റ് ആയ കാക്ക , അങ്ങനെ പരിചയമുള്ള മനുഷ്യ കാക്കകള് ഒത്തിരി ഉള്ള സ്ഥലമാണ് കരിക്കോട് ... അവരെ പറ്റി പരദൂഷണം ഒന്നും പറയാന് പോകുവല്ല എന്ന് പറഞ്ഞന്നേ ഒള്ളു......
ഈ കഥയില് പ്രധാന കഥാപാത്രങ്ങള് മൂന്നു പേര് ആണ് ...
തോമാച്ചന് ( വില്ലന് റോള് ).....
ഒരു ആറടിക്ക് അടുത്ത് പൊക്കം എന്പതു കിലോ തൂക്കം, നോട്ടം കണ്ടാല് തന്നെ പേടിക്കും, ആര്ക്കും പേടിയാകും ( ഈ വിശേഷണം ഒക്കെ തോമാച്ചന് വാ തുറക്കുന്നത് വരെയേ ഉള്ളു) ...
കുട്ടികളുടെ പോലത്തെ ആ മനസ്സിന് വലിയ ശരീരം ഒരു ബാധ്യത ആയിരുന്നു .
കാക്ക.... ( യുവ നായകന് )
റോബോ (നായകനായ കാക്കയുടെ സഹായി, സുഹൃത്ത്..)
അപ്പോള് നേരെ കഥയിലേക്ക് കടക്കാം...
കാക്കയുടെ സുഹൃത്തായ റോബോ കരിക്കോട് ടൌണ് മുഴുവനും അലഞ്ഞു കളക്ഷന് (പെണ്കുട്ടികളുടെ എണ്ണം ) ഒക്കെ എടുത്തു INH ലേക്ക് നടക്കുകയായിരുന്നു ... മെസ്സ് നു അടുത്ത് എത്തിയപ്പോള് ആണ് പോച്ചക്കുള്ളില് പതുങ്ങി ഇരിക്കുന്ന നായകനെ റോബോ കണ്ടത്.. പുള്ളി യാതൊരു ഉന്മേഷവും ഇല്ലാതെ വെറുതെ ഇരിക്കുന്നു..
മേനക ഗാന്ധി കഴിഞ്ഞാല് അടുത്ത മൃഗ സ്നേഹിയായ റോബോ അടുത്ത് കൂടി വിവരം അന്വേഷിച്ചു... അപ്പോഴാണ് അറിഞ്ഞത് കാക്ക ആശാന് വിഷം അടിച്ചു കിറുങ്ങി ഇരിക്കുകയാണെന്ന്... എന്റെ കൂടെ പോരുന്നോ എന്ന് അവന് ചോദിച്ചു..
കാക്കയ്ക്ക് വിരോധം ഒന്നും ഇല്ലായിരുന്നെങ്കിലും .... ഈ റോബോ എന്നവനെ വിശ്വസിക്കാന് കൊള്ളാമോ എന്ന് രണ്ടു പ്രാവശ്യം കൊത്തി നോക്കി ഉറപ്പു വരുത്തിയിട്ടാ കൂടെ പോയത് ..
എന്താണെങ്കിലും INH ലെ പുതിയ അതിഥിയെ അന്തേവാസികള് സ്നേഹത്തോടെ സ്വാഗതം ചെയ്തു..... അതിഥി ഒരു കാക്ക ആയിപ്പോയത് കൊണ്ട് മാത്രം ആണ് പാവം റോബോയ്ക്ക്
അതിന്റെ പിതൃത്വം ഏറ്റെടുക്കേണ്ട വരാതിരുന്നത്... വല്ല മനുഷ്യ കൊച്ചു ആരുന്നെങ്കില്അന്തേവാസികള് അവനെക്കൊണ്ട് DNA ടെസ്റ്റ് നടത്തിച്ചേനെ..
എല്ലാവരും വന്നു ആശാനെ കണ്ടു ഫോട്ടോ ഒക്കെ എടുത്തു കൊണ്ട് പോയ്. ..
അപ്പോഴാണ് കാക്ക ആശാന് കിടക്കാന് കൂടില്ലല്ലോ എന്ന് ആലോചിച്ചത് .. ഉടനെ തന്നെ പരിഹാരമായി ... തോമാച്ചന്റെ റൂമിന് അടുത്ത് തന്നെ വരാന്തയില് ഒരു മൂട്ട കട്ടില് ( മൂട്ട ഉള്ളത് കാരണം കിടക്കാന് കൊള്ളില്ലാത്ത കട്ടില് )കിടപ്പുണ്ട് അത് കാക്കയ്ക്ക് കൊടുത്തു അവന് അതില് കയറി അനങ്ങാതെ ഒറ്റ ഇരിപ്പ്..
{ ഒരു ഐ ടി പ്രഫഷണല് ന്റെ എല്ലാ മാനരിസവും കാക്കക്കുണ്ടായിരുന്നു..}
അങ്ങനെ ഇരിക്കുമ്പോഴാണ് തോമാച്ചന് രംഗപ്രവേശം ചെയ്യുന്നത്....
തോമാച്ചന്: ഡാ.. ഈ കാക്ക ഏതാടാ ...
റോബോ: മെസ്സ് ന്റെ അടുത്ത് നിന്ന് കൂടെ പോന്നതാ...
തോമാച്ചന് : വേറെ ഒരു പണിയും ഇല്ല അല്ലെ..
ആ വാചകത്തില് ഒരു ദുഷ്ടയായ അമ്മായി അമ്മയുടെ ടോണ് ഒണ്ടായിരുന്നു.
കാക്കയുടെ മെനു റോബോ നന്നായി നോക്കിയിരുന്നു.
ചിക്കന് ബിരിയാണി,മസാല ദോശ, പുട്ട് .. അങ്ങനെ മെസ്സിലെ മെനു കാക്കയുടെ മെനു... വിഷം അടിച്ചതിന്റെ വിഷമത്തില് അവന് പത്തു കാക്ക തിന്നുന്ന തീറ്റ തിന്നുമായിരുന്നു.
അങ്ങനെ രണ്ടാമത്തെ ദിവസം ചിക്കന് ബിരിയാണി തിന്നപ്പോള് വില്ലന് വീണ്ടും വന്നു ...
തോമാച്ചന്: ഡാ.. ഈ കാക്ക എന്നതാ തിന്നുന്നെ..
റോബോ: ചിക്കന് ബിരിയാണി...
തോമാച്ചന്: ഓഹോ ... കൊറച്ചു ഐസ് ക്രീം കൂടി മേടിച്ചു കൊടുക്കെടാ....
( തോമാച്ചന് വിടാന് ഭാവം ഇല്ല...)
ടാ... ഒരു വര്ഷം നമ്മള് കൂടെ പഠിച്ചിട്ടും നീ സ്നേഹത്തോടെ ഒരു കടല മുട്ടായി പോലും മേടിച്ചു തന്നിട്ടില്ലല്ലോ.. ( തോമാച്ചന്റെ സെന്റി പുറത്തു വന്നു.. )..
റോബോ: നീ മുട്ട ഇടുകയും പറക്കുകയും ചെയ്യുകേലല്ലോ..
തോമാച്ചന് : ഇമ്മാതിരി തമാശ ഒണ്ടേല് കയ്യില് തന്നെ വച്ചേരെ കേട്ടോടാ *#$@..
പിന്നെ മൂന്ന് പേരും അവരവരുടെ റൂമിലേക്ക് പോയി.
ഒരു രണ്ടു മണിക്കൂര് കഴിഞ്ഞപ്പോള് തോമാച്ചന് അട്ടഹസിക്കുന്നു......
ടാ.. ഡാ. ... ഡാ.... റോബോ.... ഏഏഏ.... @#*&@*...
ദൈവമേ തോമാച്ചനെ കറന്റ് അടിച്ചോ എന്ന് വിചാരിച്ചു റോബോ ഓടി വന്നപ്പോള് കാക്ക തോമാച്ചന്റെ മുറിയില് നിന്ന് നടന്നു പോകുന്നു...
റോബോ: എന്നതാടാ തോമാച്ചാ കാറുന്നെ...?
തോമാച്ചന് : നിന്റെ കാക്ക എന്റെ റൂമില് തൂറ്റി.. ( ജഗദീഷ് സ്റ്റൈല് )
എന്നിട്ട് കാക്കയെ ഒരു നാലു തെറി വിളിച്ചു... &$#@
കാക്കക്കുണ്ടോ വല്ല കൂസലും..
റോബോ : റൂം കണ്ടാല് ആര്കും അത് തോന്നും കേട്ടോ (ജീവന് പണയം വച്ചാണ് അത് പറഞ്ഞത് )....
തോമാച്ചന് : പോരാത്തതിന് അവന് ഇടയ്ക്കിടയ്ക്ക് വന്നു എന്റെ യു പി എസ് ന്റെ ബള്ബില് കൊത്തി പറിക്കുന്നു.(രണ്ടാമത്തെ പരാതി..)...
ഒന്ന് രണ്ടു പ്രാവശ്യം ഞാന് ക്ഷമിച്ചു ...
ഇതിനു വല്ല വയറ്റിളക്കവും ഒണ്ടോ..? ( തോമ്മാച്ചന് വീണ്ടും ചൂടാകുന്നു...)
ചുമ്മാ നടന്നു വരുന്നു ,കേറി പരിപാടി നടത്തുന്നു തിരിച്ചു പോകുന്ന വഴി യു പി എസ് ന്റെ ബള്ബില് കൊത്തുന്നു..
{ കാക്ക പോയിട്ട് ഒട്ടകപക്ഷി കൊത്തിയാല് പോലും ആ ബള്ബ്നു ഒന്നും പറ്റുകേല...}
അപ്പോഴാണ് അതിഥി താരം വരുന്നത് ... അപ്പച്ചന് എന്നാ കൊച്ചമ്മിണി..
റോബോ യെ സപ്പോര്ട്ട് ചെയ്തോണ്ട് തോമാച്ചനോട്.. എടാ ആ പാവം കാക്ക ഒന്ന് കേറി തൂറിയാല് നിന്റെ റൂം ഇടിഞ്ഞു പോകുമോ..
എന്നിട്ട് തിരിഞ്ഞു കാക്കയോടയിട്ടു പറഞ്ഞു .. നീ കേറി ഇഷ്ടം പോലെ ചെയ്തോടാ ചക്കരെ.
കാക്കയോടുള്ള ഇഷ്ടം കൊണ്ടല്ല അവന് അത് പറഞ്ഞത്... റോബോയെ നാല് തെറി കേള്പ്പിക്കുക.. തോമാച്ചനെ കൊണ്ട് റൂം കഴുകിക്കുക.. ഈ മാതിരി വിനോദങ്ങള് ഒക്കെ കാണാന് വേണ്ടി ആണ്...
തോമാച്ചന് .. കൊച്ചമ്മിണി യോട് : " നീ എന്നാല് ഇന്ന് തിണ്ണയില് കിടന്ന മതിയെട തെണ്ടി.... "...
കൊച്ചമ്മിണി : അങ്ങനെ കടുത്ത തീരുമാനം ഒന്നും എടുക്കല്ലേ തോമാച്ചാ... തോമാച്ചാ,...
( കൊച്ചമ്മിണി യും വല്ല്യ അമ്മിണിയും കൂടി ഒരുമിച്ചാ താമസം )
"നിന്റെ കാക്കയെ ഞാന് കാണിച്ചു കൊടുക്കാം എന്ന് റോബോയോടും പറഞ്ഞു.. "
എന്താണേലും പിറ്റേന്ന് ( മൂന്നാം ദിവസം ) രാവിലെ "കാക്ക മരിച്ചു പോയ്" എന്ന് പറഞ്ഞു പുലി ആണ് സംഭവം റിപ്പോര്ട്ട് ചെയ്തത്.......
അന്ന് പാവം തോമാച്ചന് കൊറേ കരഞ്ഞു......
--------------------------------------------------------------------------------------------------
കാക്കയുടെ പാവന സ്മരണയ്ക്കായ് ഓര്കുടില് ഒരു കമ്മ്യൂണിറ്റി യും, കൊറേ ഫോട്ടോ കളും ഇപ്പോഴും ഒണ്ടു.. ഫോട്ടോ ഉടനെ അപ്ലോഡ് ചെയ്യുന്നതാണ്..
--------------------------------------------------------------------------------------------------
Thursday, February 4, 2010
Subscribe to:
Post Comments (Atom)
This comment has been removed by the author.
ReplyDeleteAdipoli Robo!!
ReplyDelete-Sheena
pavam kakka.athu INH-il thane vannu pettallo!!!Athinte oru vidhi.
ReplyDeletemosamallaaa
ReplyDelete