Monday, February 15, 2010
കുരുക്ഷേത്ര യുദ്ധം - രണ്ടാം ഭാഗം..
"എന്താണേലും ആരാധകന്മാരെ കഴുത്തിന് പിടിച്ചു തള്ളുന്ന -ന്തയ്കു പിറക്കായ്ക ഒന്നും മമ്മുക്ക കാണിച്ചിട്ടില്ല.. "
{മമ്മൂട്ടി ഫാന്സിനു സമാധാനമായത് അപ്പോഴാണ്.. തിരിച്ചു തന്തക്കു വിളിച്ചല്ലോ...?}
" ഓഹോ .. അപ്പൊ ഇന്നാളു ഒരു കൊച്ചുകുട്ടി തൊട്ടപ്പോ അടി കൊടുത്തത് ആരുടെ _ന്തയാ ..?" മോഹന്ലാല് ഫാന്സ് ശക്തമായി തിരിച്ചടിച്ചു..
" കുഞ്ഞു പിള്ളേര്ക്ക് സാധാരണ മുതിര്ന്നവര് കുഞ്ഞു അടി ഒക്കെ കൊടുക്കും.. പക്ഷെ അത് പോലെ ആണോ വലിയ ആള്കാരെ തള്ളുന്നത്, അതാണ് ഒറിജിനല് തന്തയില്ലായ്ക........"
{ ഒരു സ്റ്റേജ് ഷോയ്ക് ഇടയ്ക്കു മോഹന്ലാല് ഒരാളെ കഴുത്തിന് പിടിച്ചു തള്ളുന്ന ഒരു വീഡിയോ ഇടയ്ക്കു യൂ ട്യൂബ് ഇല് ഒണ്ടായിരുന്നു..}
ഇതോടു കൂടി ഒരു വെടിക്കെട്ടിന് തീ കൊടുത്തത് പോലെ ആയി കാര്യങ്ങള്...
അപ്പുറത്ത് നിന്ന് ഒരു പ്രാവശ്യം മമ്മൂട്ടി യുടെ അച്ഛന് വിളിച്ചു...
അപ്പോള് ഇപ്പുറത്ത് നിന്ന് രണ്ടു പ്രാവശ്യം മോഹന്ലാലിന്റെ അച്ഛന് വിളിച്ചു...
അപ്പുറത്ത് നിന്ന് നാല്...
ഇപ്പുറത്ത് നിന്ന് എട്ടു...
എല്ലാം രണ്ടിന്റെ ഗുണിതങ്ങള് മാത്രം...
....
അങ്ങനെ അങ്ങനെ ഇത് വാശിയേറിയ ലേലം പോലെ മുന്നോട്ടു പോവുകയാണ്....
എതിര് ഭാഗത്തെ തോല്പിക്കാനായി മമ്മൂട്ടി ഫാന്സ് ഉം ,മോഹന്ലാല് ഫാന്സും തങ്ങളെ കൊണ്ട് പറ്റാവുന്നത്ര അലറി..
അങ്ങ് ദൂരെ നിന്ന് കേട്ടാല് "തന്ത " " തന്ത " "തന്ത " ഇത് മാത്രമേ തിരിച്ചറിയാന് പറ്റു...
പിതാക്കളെ റഫറന്സ് ചെയ്യുന്നതില് വളരെ അധികം തലമുറ പുറകോട്ടും പോയ്, അതായതു... അച്ഛന്റെ അച്ഛന്റെ അച്ഛന്റെ അച്ഛന്റെ ........
അങ്ങനെ കൃത്യമായി കണക്കു കൂട്ടിയാല് ചിലപ്പോള് ഞങ്ങള് വിളിച്ചത് തല മുറകള് കടന്നു പണ്ട് ഉണ്ടായിരുന്ന കുരങ്ങു വര്ഗം വരെ എത്തിയിരിക്കണം...
{ഈ പാപം എല്ലാം എവിടെ കൊണ്ട് തീര്ക്കുമോ...?}
വെറും മൂന്നു പേര് മാത്രമുള്ള മോഹന്ലാല് ഫാന്സിനു ഭയങ്കര ശബ്ദം.... തോറ്റുപോയാല് കുറച്ചില് മമ്മുക്കയ്ക്കു അല്ലെ.... ഞങ്ങള് കുറച്ചില്ല...
ഘോര ശബ്ദം... !
അപ്പുറത്തെ മുറികളിലൊക്കെ ഉള്ളവര് ഓടി വന്നു..
വന്നവര് വന്നവര് അവന്മാരുടെ സംഭാവന കൊടുത്തു.. (ചെയര്മാന് ആന്ഡ് ക്രിഫി ഒഴികെ..)
ആഹഹ.. എന്തൊരു രസം.. തൃശൂര് പൂരത്തിന്റെ തായമ്പക പോലെ നല്ല അസ്സല് തന്തക്കു വിളി....
പെട്ടന്ന് ഒരു നിമിഷത്തേക്ക് ആ ചെണ്ട മേളം നിലച്ചു.. ഡും... എന്താ കാര്യം...?
അച്ഛന് വിളിക്കുന്നതിനിടക്ക് ആരോ ഒരു തെറിയും കൂടി ചേര്ത്ത് വിളിച്ചു @#$&*...
ഈ നിയമ ലംഘനവും മോഹന്ലാല് ഫാന്സ് ആണ് നടത്തിയത്...
അറച്ചു നിന്ന ഒരു നിമഷം മമ്മൂട്ടി ഫാന്സ് എല്ലാവരും അങ്ങോട്ടും ഇങ്ങോട്ടും നോക്കി..
" എന്നാല് നമ്മള് അങ്ങ് തോടങ്ങുവല്ലേ..? " പ്രഗത്ഭന്മാര് എല്ലാം നമ്മുടെ കൂടെ തന്നെ ഇല്ലേ.. " എന്നായിരുന്നു ആ നോട്ടത്തിന്റെ അര്ഥം..
അങ്ങനെ നിര്ത്തി വച്ച ചെണ്ടമേളം വെടിക്കെട്ടോടു കൂടി തുടങ്ങി...
ഭയങ്കര ശബ്ദം.. .
തെറിയൊക്കെ ഇടിവെട്ടുന്ന പോലെ ആണ്......
{ അടുത്ത കാലത്തൊന്നും അവിടെ ഇത്രയും വലിയ ബഹളം ഉണ്ടായിട്ടില്ല... അലമ്ബുണ്ടാക്കുന്നതിനിടക്ക് .. അപ്പുറത്ത് ഒരു പള്ളി ഒണ്ടെന്നും, ആള്കാര് ഒണ്ടെന്നും ഉള്ള കാര്യം ഞങ്ങള് വിട്ടു പോയ്.. }
ഹോസ്റ്റല് മുഴുവന് ബഹളം അറിഞ്ഞിരുന്നു..
വാച്ചര് കം കുക്ക് ആയ മോഹന്ജി മുകളില് ഭയങ്കര തല്ലു നടക്കുകയാണ് എന്ന് വിചാരിച്ചു...
ഉടനെ വാര്ഡന് കാസിം സാറിനെ ഫോണില് വിളിച്ചു..
" സാര് , ഇവിടെ ഭയങ്കര അടിയും , തെറിയും നടക്കുന്നു..!
വേഗം വരണം , ഇവിടെ എന്തെങ്കിലും നടക്കും,ഞങ്ങള്ക്ക് പേടി ആകുന്നു.. .."
സാറും പള്ളിയില് ഇരുന്നു ഈ ബഹളമൊക്കെ കേള്ക്കുന്നുണ്ട് ...
പക്ഷെ ഈ സംഗതി ഒന്നും ഞങ്ങള് അറിയുന്നില്ലല്ലോ ..?
തെറി മേള പൊടി പൊടിക്കുന്നതിനിടയില് എന്റെ ഫോണ് ബെല്ലടിച്ചു ...
ഞാന് കൂസാക്കാതെ നിക്കുമ്പോള് ആരോ പറഞ്ഞു...
"ചെന്ന് ഫോണ് എടുക്കടാ ആരേലും ക്ലാസ് ഇല്ലാന്ന് പറയാന്വിളിക്കുന്നത് ആണെങ്കിലോ ? ഇത് നമ്മള് ഏറ്റു.."
ശരിയാ , വെറുതെ ഒരു അവധി നഷ്ടപ്പെടുത്തണ്ട....
"ഞാന് ഓടി അപ്പുറത്തെ മുറിയില് ചെന്ന് ഫോണ് എടുത്തു.. സംഗതി വിചാരിച്ചപോലെ തന്നെ .. ക്ലാസ് ഇല്ല......."
സന്തോഷം അറിയിക്കാന് യുദ്ധ ഭൂമിയിലേക്ക് ചെല്ലുമ്പോള് ഒരാള് വരാന്തയിലൂടെ നടന്നു വരുന്നു...
ആരാ അത് .. അയ്യോ .. സാര് ആണ് ...
പാഞ്ഞു യുദ്ധം നടക്കുന്ന സ്ഥലത്തേക്ക് ചെന്നിട്ടു " നിര്ത്ത് , നിര്ത്ത് , സാര് ,സാര്.... വരുന്നു .. എന്ന് പറഞ്ഞു തീര്ത്തു .. "
"എവിടെ...! മലവെള്ളപ്പാച്ചില് മുറം കൊണ്ട് തടുക്കാമോ..?"
ബഹളം ഒരുവിധം അടങ്ങിയെന്നെ ഒള്ളു...
ഒരാള്കൂടി സര് നെ കണ്ടിരുന്നു അത് നമ്മുടെ പോച്ച ആണ്..
ഉസൈന് ബോള്ട്ട് ഓടുന്നതിനെക്കാള് വേഗത്തില് പോച്ച മെസ്സിന്റെ അപ്പുറം കടന്നു രക്ഷപെട്ടു..
{ഞാനും, മറ്റു കൊറേ പേരും ,എന്റെ ഈ രണ്ടു കണ്ണുകളും കണ്ടതാണ്...}
അപ്പോഴേക്കും സര് പാഞ്ഞു വന്നു റൂമില് കയറി..
"എന്താടോ എവിടെ നടക്കുന്നെ...... നാട് മൊത്തം കേള്ക്കാമല്ലോ.. ആരെയാ തല്ലിയത്?"... സാര് കട്ട കലിപ്പ്...
"ഞങ്ങള് വെറുതെ... സംസാരിച്ചിരിക്കുകയായിരുന്നു സര്..." ( പാവങ്ങള് ഞങ്ങള് ..)
"ഇതാണോ സംസാരം.. ഇത്ര ഒച്ചക്കു ഒരു മനുഷ്യന് സംസാരിക്കാന് പറ്റുമോ... "
" അല്ല .. സാര്, ഞങ്ങള് വെറുതെ സിനിമയെ കുറിച്ചൊക്കെ ചര്ച്ച ചെയ്യുകയായിരുന്നു.."
"പിന്നെ , ഒരു ചര്ച്ച.. നിങ്ങള് ആരെയോ തല്ലിയെന്നാണല്ലോ വാച്ചര് പറഞ്ഞത്.. "
കൊറച്ചു കഴിഞ്ഞു വന്നാല് അയാളെ തല്ലി റെഡി ആക്കി വെച്ചേക്കാം എന്ന് മനസ്സില് പറഞ്ഞു.....
"അയ്യോ ഞങ്ങളോ .. ശോ .. ശോ... ഇല്ല സര്.. ആരാ ഇത് പറഞ്ഞെ..?"
"അയ്യോ കൊറേ പാവങ്ങള്, എല്ലാവരും നിങ്ങളുടെ പേര് ഒരു കടലാസില് എഴുതി താ.. ഞാന് നിങ്ങളുടെ HOD യെ ഒന്ന് കാണട്ടെ, ആ അലമാരയ്ക്ക് അകത്തു ഒളിച്ചിരിക്കുന്നവന്റെയും കൂടി പേര് എഴുതിക്കോ...."
ങേ ... ഞങ്ങള് എല്ലാവരും ഞെട്ടി... !
അതാര് ആണ് അലമാര്യ്ക് അകത്തു .... ?
അപ്പോഴാണ് അത് കണ്ടത് ...
" ജമ്മ..! " അലമാരയ്കു ഉള്ളില് കയറി ഇരിക്കുന്നു..
പക്ഷെ കാലു രണ്ടും പുറത്തു ഉണ്ടായിരുന്നു അതാണ് സാര് കണ്ടു പിടിച്ചത്..
അമ്പടാ സൂത്രക്കാരാ , നീ ആള് കൊള്ളാമല്ലോ...അവനും പോച്ചയും ആണ് ഈ അലമ്പിന്റെ സംഘാടകര്.. ഒരുത്തന് ഓടി രക്ഷപെട്ടു, മറ്റവന് ഒളിച്ചും ഇരിക്കുന്നു..
എല്ലാവരും വഴി ഒതുങ്ങി നിന്ന് ജമ്മയെ മുന് നിരയിലേക്ക് ആനയിച്ചു...
എല്ലാ പല്ലും കാണിച്ചു ട്രേഡ് മാര്ക്ക് ചിരിയുമായി ജമ്മ വന്നു....
ഹി ഹി ഹി...
എന്റെ ഒരു സി ഡി കാണുന്നില്ല സാറേ .. നോക്കുവാരുന്നു... ഹി ഹി ..
ഹോ സാര് നു പോലും ചിരി വന്നു... പക്ഷെ പുള്ളി വിട്ടില്ല...
"അലമാരയ്കകത്തു കയറി ഇരുന്നു തന്നെ വേണം നോക്കാന്.. !
നിങ്ങള്ക്ക് ഒക്കെ പ്രായവും പക്വതയും ആയില്ലേ.. ഈ കോളേജിലെ ഏറ്റവും മുതിരന്ന കുട്ടികളല്ലേ നിങ്ങള്... അതിന്റെ ബുദ്ധി കാണിക്കണ്ട, ഒരു LKG യില് പഠിക്കുന്ന കൊച്ചിന്റെ ബുദ്ധി കാണിച്ചു കൂടെ...
പട്ടാപ്പകല് ഒച്ച ഇടുക ,തെറി വിളിക്കുക, അത് കഴിഞ്ഞു അലമാരയില് കയറി ഒളിക്കുക , മഹാ മോശം.."
ഇത്രയും പറഞ്ഞു സര് പോയ്...
ഞങ്ങളുടെ പേര് എഴുതിയ കടലാസ് സര് മേടിച്ചില്ല..
" അത് വേണ്ടേ ..?"എന്ന് ആരും ചോദിച്ചും ഇല്ല.. ...
അതിനു ശേഷം എല്ലാ ഫാന്സ് ഉം കൂടി ജമ്മയെ കളിയാക്കാന് പോയ്...
വാല്ക്കഷണം :
എന്താണേലും ജമ്മയുടെ കിരീടത്തിലെ പൊന്തൂവല് ആയിരം എണ്ണം തികഞ്ഞത് ഈ സംഭവത്തോട് കൂടി ആണ്..
.
Subscribe to:
Post Comments (Atom)
ഹോസ്റ്റല് ജീവിതം ശരിക്കും അടിച്ചുപൊളിച്ചു അല്ലെ ?
ReplyDeleteഎന്തായാലും നന്നായിട്ടുണ്ട് ,നര്മ്മം കലര്ത്തി എഴുതാന് നന്നായിട്ട് അറിയാമല്ലേ?